Размер шрифта Цветовая схема Изображения Обычная версия

"Саха саарынна" региональнай НПК буолан ааста

Дата: 25.01.2017, раздел: Администрации

Тохсунньу 20 күнүгэр 2017с.Советскай Союз Геройа Н.С. Степанов аатынан Бүлүүтээҕи 3 №-дээх орто оскуолаҕа региональнайнаучнай практическай конференция «Саха саарыннара» буолан ааста.  460 уэрэнээччи уонна 30 улахан киhи Уэьээ Булууттэн, Булууттэн, Ньурбаттан кыттыыны ыллылар. Уон сэттэ түмсүүнэн арахсан доклад аа5ан иhитиннэрдилэр.

 Улахан дьоҥҥо аналлаах түмсүү: Саха саарына уhуллубут ньыматын аныгы үөрэх ирдэблигэр эппиэттир иитигэ-үөрэтигэ туhаныы. Көрүҥнэрэ: дакылаат, мастер-кылаастар, бырайыак көмүскээһинэ буола. Улахан дьон түмсүүтүгэр уол о5о иитиитигэр эр дьон бэйэлэрин көрүүлэрин, үлэлэрин кэпсээтилэр. Манна араас түмсүү  салайааччылара санаа атастастылар.Ону таhынан «Саарыннар уруоктара» диэн эр киhи учууталларыгар аhа5ас уруоктар күрэхтэрэ буолла. Манна 10 уруок ытылынна.   

Уруоктар түмүктэринэн Гран-при аатын Алексеев Гаврил Иванович Баппа5аайы орто оскуолатын учуутала ылла. Түмүк көрдөрөрүнэн, научнай аппараты таба туhанар салайааччылар үлэлэрэ миэстэлэстилэр. Тойон сүбэ үлэлэргэ сөптөөх сыанабылы биэрдэ,  баар итэҕэстэри таба ыйда.  Кинилэргэ тэрийээччилэр ааттарыттан махталбытын тиэрдэбит. 

Саха саарына» НПК остуоруйата

Биһиги оскуолабыт, республикатааҕы «Утум»  иитэр-үөрэтэр общественнай киин иһинэн тэриллибит «Саха саарынын аатын сүгэр оскуолалар» республикатааҕы ассоциацияларын Бүлүүтээҕи филиала буолар.

2008 сыллаахха республика оскуолаларын «Өлүөнэ кыраайа” ФМ форумугар мунньан, аат көмүскэтэн, түмсүү балаһыанньатын суруттаран, сыалын-соругун торумнаппыттара. Онно биһиги оскуолаттан директор- Кариус Э.П., Иванова Г.В.- нуучча тылын уонна литературатын учуутала, Сыромятникова А.П. – математика учуутала, ону таһынан Кузьмина Марта уонна Типанова С.Т.( билигин математика учуутала оччолорго 11 кылаас үөрэнээччитэ) баран кыттыыны ылбыппыт.

Оскуолаҕа үтүө киһи аата иҥэриллэн, бу үтүө аат салгыы дьоћуннук ааттанара оскуола кэллэктиибиттэн, үөрэнээччилэриттэн тутулуктанар. Оскуола хас бирдии оҕото, үлэћитэ бу кићи аатын киртиппэт гына иитиилээх-сайдыылаах буолуохтаах. Ассоциация ону ирдиир уонна ол туһугар үлэлиир. Онон үлэбит сыала:

Норуот чулуу дьонун холобурунан үүнэр ыччаты иитии-үөрэтии, сайыннарыы.

Үлэбит соруга:

Саха саарыннарын олохторун чинчийии, ньыма быћыытынан тобулуу, үөрэх ситимигэр киллэрии.

Үлэбит ситићэр түмүгэ:

Хас бирдии оҕону тулуурдаах, дьулуурдаах, дьаныардаах, киэҥ холку көҕүстээх, сахалыы тыллаах-өстөөх, өйдөөх-санаалаах, ућун-киэҥ толкуйдаах, кићи-кићитэ, дойдутун, дьонун суон дугдата, халыҥ хаххата гына иитэн таћарыахтаахпыт.

Үлэбит сүрүн ньымалара

Оскуола, улуус, регион, республика ићинэн тэрээћин үлэлэр

Оскуола саха саарына буолан тахсыбыт сүнньүн чинчийэн, булан, күрэхтэри тэрийэн оҕону сайыннарар ньыма быћыытынан туттар үөрэх матырыйаалын (программатын) оҥостуохтаах.

Саха саарыннарын аатын сүгэр оскуолалар хааччахтанар – көҥүллэнэр( нормативно –правовой) тутулларын олохтоох  усулуобуйаҕа сөп түбэћиннэрэн ситићии.

Төрүт үгэскэ олоҕуран иитии үлэтин тэрийии буолар.

Ассоциация иһинэн ыытыллыбыт үлэлэр уонна ситићиилэр элбэхтэр. Биир саамай улахан хабааннаах үлэбит бу ыытылла турар, «Саха саарыннара» диэн научнай-практическай конференция. Сылын аайы кыттааччы элбээн иһэр. Конференция хайысхалара сылын аайы эмиэ уларыйаллар. Маны таһынан бу конференция иһинэн «Саарыннар уруоктара» диэн учууталларга аналлаах идэ таһымын үрдэтэр күрэх буолар. Урукку сылларга оннук күрэххэ эр дьон кыттыыта сэдэх буоллаҕына. Быйыл ол күрэххэ эр дьон эрэ кыттыыны ылар. Онон өссө интириэһинэй буолуо диэн эрэнэбин.

Ассоциация үлэтигэр кыаллыбат өттө эмиэ баар, ол кинигэ тахсыыта буолар. Ол эрэн эрэлбитин сүтэрбэппит, хаһан эмит кыаллыа дии саныыбын.

 

«Саха саарыннарын аатын сүгэр оскуолалар”

Бүлүү уонна Бүлүү бөлөх улуустарын түмсүүтүн

сүрүннээччи Сыромятникова А.П. 



Источник: МБОУ "Вилюйская СОШ № 3 им. Н.С. Степанова", просмотров: 222