В новостях В разделах

Марк Жирков 125 сылыгар аналлаах МУЗЫКАЛЬНАЙ САЛОН.

Дата: 02.02.2017, раздел: Культура

     Олунньу ый 01 күнүгэр «Алгыс» СК сыл бастакы музыкальнай салона буолан ааста. Салон Бүлүү улууһугар М.Н. Жирков үбүлүөйдээх сылын чэрчитинэн ыытылынна. Музыкальнай салон СР культуратын үтүөлээх үлэһитэ, «Алгыс» СК уус-уран салайааччыта Августина Платоновна Евсеева уонна СР культуратын үтүөлээх үлэһитэ Иван Иванович Туласынов көҕүлээһиннэринэн тэрилиннэ.  Бүлүүбүт улууһугар ыытыллар үбүлүөйдээх тэрээһиннэр тустарынан иһитиннэриини оҥордо «Бүлүү улууһа (оройуона) муниципальнай оройуон» баһылыгын социальнай политикаҕа солбуйааччыта Тихонова Венера Федоровна.

     Салоҥҥа Аба5ыыныскай тылларыгар, Марк Жирков музыкатыгар «Күрүлэс күргүөм күннэргэ»  -  ырыаны Уйбаан Күөгэлэп-Кындыл аатынан Бүлүүтээҕи норуот театрын сүрүн артыыската   - Анна Игнатьева, Таллан Бүрэ тылларыгар, Марк Жирков музыкатыгар «Марфа ырыата»- ырыаны  Бүлүү  хаһаактарын хорун солистката, элбэх ырыа күрэхтэрин хас да төгүллээх лауреата-  Наталья Жиркова, Күннүк Уурастыырап тылларыгар, Марк Жирков музыкатыгар «Киэһээҥҥи ырыа» - ырыаны ырыа күрэхтэрин хас да төгүллээх кыайыылаахтара, лауреаттара, доруобуйа харыстабылын эйгэтин үлэһиттэрин «Гармония» вокальнай ансаамбыла, салайааччы Саха Өрөспүүбүлүкэтин доруобуйатын харыстабылын туйгуна -Надежда Макарова, Абаҕыыныскай тылларыгар, Марк Жирков музыкатыгар «Күөрэгэй»- ырыаны Российскай Федерация норуотун  үөрэҕэриитин туйгуна, Российскай Федерация орто анал үөрэхтээһинин Бочуоттаах үлэһитэ, Учууталлар учууталлара анал аат хаһаайката-  Валентина Кириллина, Илья Чаҕылҕан тылларыгар, Марк Жирков музыкатыгар «Кыталык ырыата»- ырыаны «Гармония» вокальнай ансаамбыл солистката, Василий Осипович Каратаев аатынан Бүлүүтээҕи олоҥхоһуттар уонна тойуксуттар народнай коллективтарын тойуксута, оһуохайдьыта, Саха сирин үтүөлээх оһуохай этээччитэ - Светлана Харлампьева, Пантелеймон Тулааьынап тыллара, Марк Жирков музыкатыгар «Өлүөнэ өрүскэ»- ырыаны Саха Өрөспүүбүлүкэтин культуратын туйгуна - Августина Семенова, Эллэй тыллара, Марк Жирков «Капитан Гастелло» - ырыаны сыана ветерана, Бүлүү хаһаактарын хорун солиһа, тумус туттар киһибит, ытыктабыллаах Борис Александрович Михалев.

   Иһитиннэриилэри оҥордулар Саха Өрөспүүбүлүкэтин культуратын үтүөлээх үлэһитэ, самодеятельнай  композитор, Саха Өрөспүүбүлүкэтин мелодистарын Союһун чилиэнэ, Иван Иванович Туласынов, Н.Г. Чернышевскай аатынан Бүлүүтээҕи педагогическэй колледж преподавателэ Евгений Романович Алексеев.

    Музыкальнай салону киэргэттилэр ырыа кэһиилээх, баян доҕордоох, үөрүү-көтүү аргыстаах баянистар:
Туласынов Иван Иванович, Васильев Алексей Иннокентьевич, Платонов Виктор Николаевич, Федотов Владимир Иванович, Иванов Алексей Владимирович, Егоров Геннадий Николаевич. Салону ыытта СР культуратын туйгуна Кристина Буслаева.

    Тэрээһин  Алексей Тимофеев тылларыгар, Марк Жирков музыкатыгар «Төрөөбүт дойду туһунан ырыанан» түмүктэннэ.  

    Манан бу сылга Саха бастакы профессиональнай композитора Марк Николаевич Жирковка 125- сылыгар аналлаах, бастакы музыкальнай салон ырыа дьоро, киэҥ түһүлгэтэ түмүктэннэ. Мантан салгыы ый ахсын биһиги музыкальнай саломмутугар ыалдьыттыахтара, Бүлүүбүт улууһун ырыа айааччылара. Мелодистарбыт ырыаларын дуоһуйа истиэхпит, тэҥҥэ ыллаһыахпыт. Кэлэр музыкальнай салоннарбытыгар көхтөөхтүк, биир сомоҕо буолан кыттыыны ылыахтара диэммит бигэ эрэнэ хаалабыт. Биир дойдулаахтарбыт айбыт ырыаларын, көччөх гынан көтүтүөххэйиҥ, дьоҥҥо-сэргэҕэ тарҕатыаххайыҥ



Источник: Иһитиннэриини оҥордо: К.Н. Буслаева. Хаартыскаҕа түһэрдэ: СР культуратын туйгуна Е.Н. Туласынова., просмотров: 179