Размер шрифта Цветовая схема Изображения Обычная версия

«Сибэкки сипсиэрэ – дууһам иэйиитэ”

Дата: 09.08.2017, раздел: Администрации

Олунньу 8 күнүгэр И.Ф. Захаров-Кылыадьы Уус аатынан Хомус дьиэтигэр «Сибэкки сипсиэрэ – дууһам иэйиитэ” диэн бэрт сэргэх тэрээһин буолан ааста. Бу сибэкки арааһын үүннэриитинэн, оҕуруот аһын олордуунан олохтоохтук, айымньылаахтык дьарыктанар Роза Иннокентьевна Анемподистова – Сибэкки Роза утумнаах дьарыгын көрдөрөр тэрээһин Бүлүүгэ Х1 Олонхо ыһыаҕа ыытылларыгар, куораппыт күөх суугунунан киэркэйэригэр бэлэмнэнии буолар. Роза Иннокентьевна үүнээйини хайдах олортоххо өлгөм үүнүүнү, сибэкки арааһын ылыахха сөбүн кэпсээн, көрдөрөн, үүннэрбит оҕуруотун аһыттан бэлэмнээбит астарын рысыабын тарҕатан, аһын амсатан, маастар-кылаасс көрдөрдө. Кини олоҕун көрдөрөр презентация, сибэкки арааһын үүннэрэн тиэргэни киэргэтии туһунан видеосюжеттар, выставка тэрээһин ис хоһоонун байыттылар. Роза Иннокентьевна Владимир Васильев хорун биир тумус  туттар ырыаһыта буолан хор кыттыылаахтара кэлэн ырыанан эҕэрдэлэрин тириэртилэр. Тэрээһин дьон болҕомтотун тарта. Элбэх ыйытыылар киирэннэр, онно сөптөөх толору сүбэ-соргу бэрилиннэ.



Источник: Заведующая Дома Хомуса М.С. Васильева, просмотров: 299