Размер шрифта Цветовая схема Изображения Обычная версия

Проект "Ымыылаах сырдыгы ыһыктыбат туһугар"

Дата: 13.02.2017, раздел: Культура

     Олунньу 10 к. Н.Г.Чернышевскай аатынан педколледжка саха бастакы композитора М.Н.Жирков  төрөөбүтэ 125 сылыгар аналлаах “Ымыылаах санааны ыһыктыбат туһугар” (автор И.Ф.Захаров аатынан Хомус Дьиэтин сэбиэдиссэйэ М.С.Васильева) программатынан тэрээһин ситиһиилээхтик буолан ааста. Бырайыак сүрүн кыттыылаахтара уонна көҕүлээччилэрэ – В.Васильев хора композитор хорга аналлаахх айымньыларын толордулар. М.Н.Жирков аатынан искусство оскуолатын народнай инструменнарын коллектива (салайааччы М.Тоноева) композитордар А.Моргусов уонна В.Ксенофонтов айымньыларын, үөрэнээччилэр М.Жирков ырыаларын оркестр доҕуһуолунан толорон көрөөччүлэр болҕомтолорун тартылар.

     Маны таһынан, хор салайааччыта В.Васильев “М.Н.Жирков - саха төрүттээх” диэн иһитиннэриитэ, П.Х.Староватов аатынан кыраайы үөрэтэр музей фондатыттан М.Н.Жирков олоҕун, айар үлэтин көрдөрөр экспонаттар, Бүлүүтээҕи Кииннэммит библиотека “От сердца людям музыку даря...” кинигэ быыстапката  программа ис хоһоонун ситэрэн биэрдилэр.

     Тэрээһиҥҥэ Бастакы Президент М.Е.Николаев сылдьан көрөөччүлэри, кыттааччылары эҕэрдэлээтэ, инники сайдыыга хардыылар тустарынан билиһиннэрдэ, устудьуоннарга туһаайан саҥа кэлэр кэми тутуһарга бэлэмнээх буолан тахсалларыгар ыҥырда.

     Михаил Ефимович тэрээһин таһымнаахтык барбытын бэлиэтээтэ.

 

 



Источник: "Дом Хомуса им. И.Ф. Захарова", просмотров: 584