В новостях В разделах

Музыкальнай салон оҕо искусствотын оскуолатыгар

Дата: 03.03.2017, раздел: Администрации

Кулун тутар ый  02 күнүгэр Марк Николаевич Жирков аатынан искусство оскуолатыгар иккис музыкальнай салон буолан ааста. Салон Бүлүү улууһугар МаркЖирков үбүлүөйдээх сылын чэрчитинэн ыытылар. Музыкальнай салон СР культуратын үтүөлээх үлэһитэ, «Алгыс» СК уус-уран салайааччыта Августина Платоновна Евсеева уонна СР культуратын үтүөлээх үлэһитэ Иван Иванович Туласынов көҕүлээһиннэринэн тэриллэр.

Ааспыт ыйгаБүлүү улууһун баһылыгын социальнай боппуруостарыгар солбуйааччы Венера Федоровна Тихонова салайааччылаах  творческай десантреспублика алта улууһунан Марк Жирков фольклорнай экспедицияларын суолларынан, биир санаалаах доҕотторун кытары алтыспыт сиринэн-уотунан сылдьан кэллилэр. Бу айаннарын туһунан Венера Федоровна уонна Алгыс сынньалан киин директора Надежда Николаевна Иванова ирэ-хоро кэпсээтилэр.

Оҕо искусство оскуолатын балалайка кылааһын үөрэнээччилэрэ, салайааччы Елизавета Афанасьевна Маныкина, Марк Жирков айымньыларын толорон иһитиннэрдилэр.

 

Сцена ветерана, СР культуратын туйгуна Людмила Леонтьева, Саха Республикатын үөрэҕириитин уонна культуратын отличнига Матрена Сивцева кытыннылар.

    Тэрээһин  Алексей Тимофеев тылларыгар, Марк Жирков музыкатыгар «Төрөөбүт дойду туһунан ырыанан» түмүктэннэ. Күргүөмүнэн ыЫрыаны Иван Туласынов, Алексей Васильев, Владимир Федотов,  Геннадий Егоров баянынан доҕуһуоллаатылар. Салону ыытта СР культуратын туйгуна Кристина Буслаева.



Источник: отдел информации, просмотров: 111