Размер шрифта Цветовая схема Изображения Обычная версия

«Көмүс тарбах – Сүдү Уус»

Дата: 06.03.2017, раздел: Культура

Ааспыт ыйга И.Ф. Захаров аатынан Хомус дьиэтигэр дьонугар-сэргэтигэрумнуллубат суолу-ииһи хаалларбыт, норуот номоҕор киирэн кэрэ кэпсээн буолан, биир дойдулаахтара киэн туттан ааттыыр, тарбахха баттанар киһибит – аатырбыт уус Игнатий Саввич Саввинов – Дьаҕыһыйа Уус туһунан ахтан-санаан ааһар «Көмүс тарбах – Сүдү Уус»тэрээһин буолан ааста.

Дьаҕыһыйа Уус бу оһуордаах Орто дойдуга олорон ааспытын бэлиэтэ, уһанан хаалларбыт оҥоһуктарыттан ураты, Сир симэҕин курдук ыччат бастыҥын хаалларан, удьуорун тэниппитэ буолар. Кини 30 сиэнэ, 47 хос сиэнэ, 22 хос-хос сиэннэрэ төрөөбүт дойдубут сайдарын туһугар бэйэлэрин сэмэй кылааттарын киллэрсэ, айымньылаахтык үлэлии, ситиһиилээхтик үөрэнэ айа-тута олороллор. Бу киэһэҕэ И.С. Саввинов-Дьаҕыһыйа Уус кыыһа Пелагея Игнатьевна, сиэннэрэ, хос сиэннэрэ кытыннылар. Ол курдук,  саха сиригэр тимири уһаарыы, тимир уустарын тустарынан үөрэтэр, эдэр чинчийээччи, Университет магистратуратын магистра, И.С. Саввинов хос сиэнэ Михаил Саввинов саха сиригэр тимири уһаарыы уонна тимир уустарын туһунан иһитиннэрии оҥордо; хос сиэнэ, Бүлүүтээҕи гимназия 6 кылааһын үөрэнээччитэ Олег Саввинов хос эһээтин туһунан кэпсээтэ, Семен Каратаев-ырыа Дыгыйар “Сүүлэлдьин боотур” олонхотуттан быһа тардан толордо.

Маны тэҥэ Уустар ассоциалияларын салайааччыта Иннокентий Акимов, тимир уустарын туһунан суруйуунан дьарыктанар Николай Кононов, САССР оскуолаларын үтүөлээх учуутала Павлина Иванова уо.д.а. кытыннылар.



Источник: И.Ф. Захаров- Кылыадьы Уус аатынан Хомус музея, просмотров: 207