Размер шрифта Цветовая схема Изображения Обычная версия

"Хохочой - память на века" автодесант ыытылынна

Дата: 19.04.2017, раздел: Администрации

1922с. муус устар 18 күнүгэр Кырдьаҕас Бүлүү куоратыттан Снитко хамандыырдаах комсомол оҕолор  кыһыл этэрээккэ көмөҕө тахсан иһэннэр,  бандьыыттар тоһуурдарыгар түбэһэн, өлбүттэрэ. Ол трагедия буолбута 95 сылыгар, кинилэри кэриэстээн, эдэр ыччакка улуустааҕы "Хохочой-память на века" автодесант муус устар 17 күнүгэр  ыытылынна.

Эдэр ыччаты патриотическай тыыҥҥа иитиигэ, төрөөбүт дойдуларын историятын билэллэригэр аналлаах проегы быйыл тэриллибитэ 100 сылын туолар П.Х. Староватов аатынан Бүлүүтээҕи кыраайы үөрэтэр мусуой 10-с төгүлүнтэрийэн ыытта. Тэрээһин аһыллыытын кыһыл былаахтарынан, плакаттарынан киэргэтиллибит Староватов аатынан мусуой иннигэр куорат дьаһалтатын кылаабынай специалиһа М.А.Саввинова салайан ыытта. Аан тылы Петроы А.В., Бүлүү куоратын дьокутааттарын Сэбиэтин бэрэстээтэлэ, Солтуев Г.А., улуустааҕы бэтэрээннэр Сэбиэттэрин бэрэстээтэлэ, Степанов Е.Ю., Бүлүүтээҕи айылҕа харыстабылын инспекциятын старшай инспектора, Афанасьева Т.Н., Староватов аатынан кыраайы үөрэтэр мусуой директора автодесант кыттыылаахтарын эҕэрдэлээн тыл эттилэр.

Автодесант кыттыылаахтара сэттэ көрүҥҥэ куоталастылар. Ол курдук формаларыгар, ааттарыгар, девизтэригэр, Хохочой туһунан билиилэригэр,  автомат сборкатыгар, разборкатыгар, спорт көрүҥнэригэр, айылҕа харыстабылын боппуруостарыгар, Орджоникидзе уулуссаҕа турар остоолбо- паамытынньык кимиэхэ, тоҕо, хаһан туруоруллубутун туһунан  о.д.а.боппуруостарга эппиэттээтилэр.

Онтон күрэх кыттыылаахтара кыһыл былаахтарынан, араас өҥнөөх флажоктарынан, плакаттарынан киэркэйбит 17 комсомол пааматынньыгар - Хохочойго муһуннулар. Өкүндү кадеттара пааматынньыкка часовойга турдулар, хоһоон аахтылар, Хохочой трагедиятын туһунан, долгуйан туран, мустубут дьоҥҥо кэпсээтилэр.

Миитиҥҥэ элбэх киһи тыл эттэ: Петров А.В., куорат дьокутааттарын Сэбиэтин бэрэстээтэлэ, Кононова Л.Я., Өкүндү нэһилиэгин баһылыга, Афанасьева Т.Н., Бүлүүтээҕи кыраайы үөрэтэр мусуой дириэктэрэ, Мылахов С.Г., улуустааҕы бэтэрээн Сэбиэтин чилиэнэ, Потапов В.А., ыччат отделын специалиһа, Саввинова К.Е., Бүлүүтээҕи бойобуой Албан аат мусуой сэбиэдиссэйэ о.д.а. Миитин кэнниттэн Хохочойго геройдуу сырдык тыыннара быстыбыт 17 комсомол пааматынньыгар эдэр ыччат уонна Өкүндү кадеттара харыйа гирляндатын уурдулар.

Быйыл ыытыллыбыт "Хохочой - память на века" автодесант күрэҕэр 1 миэстэҕэ Чинэкэ нэһилиэгин эдэр ыччатын хамаандата, 2-с бириистээх миэстэҕэ – Н.Г. Чернышевскай аатынан БПК., 3-с миэстэҕэ Өкүндү хамаандалара тигистилэр уонна харчынан бириэмийэлэннилэр. Миэстэҕэ тиксибэтэхтэр биһирэбил бириис ыллылар. "Хохочой-память на века" тэрээһин  өйдөбүнньүк хаартыскаҕа түһүүнэн түмүктэннэ.



Источник: Саввинова К.Е., Бүлүүтээҕи бойобуой Албан аат мусуой сэбиэдиссэйэ, просмотров: 148