Размер шрифта Цветовая схема Изображения Обычная версия

«Сурэхпит сылааьа – эьиэхэ» инбэлииттэр декадалара

Дата: 13.12.2017, раздел: Администрации

«Сурэхпит сылааьа – эьиэхэ»

Ахсынньы 3 кунэ Аан дойдутаа5ы инбэлииттэр куннэрэ. Бу кун чэр­читинэн, Булуу улууьугар сэтинньи 28 кунуттэн ахсынньы 8 кунугэр диэ­ри анал декада урдук тэрээьиннээхтик ыытылынна.

Декада сурун сыалынан буолар – олох араас охсууларыттан, ыарахан ыарыы содулуттан инбэлиит буолар уустук дьыл5ааламмыт дьонно бол5омто ууруу уонна дьиэ5э олорор инбэлииттэри дьону-сэргэни, оло5у кытта бииргэ уктэнэллэрин ситиьии буолар.

Декада чэрчитинэн араас хабааннаах тэрээьиннэр, конкурстар, керсуьуулэр ыытылыннылар. Ахсынньы 8 кунугэр «Сурэхпит сылааьа - эьиэхэ» диэн Декада тумуктуур тэрээьинэ Алгыс сынньалан кииннэ буолла. Бу кун улуус баьылыгын социальнай боппуруостарга солбуйааччы Венера Федоровна Тихонова, куорат баьылыгын солбуйааччы Айталина Павловна Иванова инбэлииттэри социальнай еттунэн ейуур уонна кинилэр кыьал5аларыгар общество бол5омтотун тардар соруктаах араас тэрээьиннэр тустарынан сырдатан кылгас иьитиннэрии онордулар. Мантан салгыы инбэлииттэр обществоларын бэрэссэдээтэлэ Захар Васильевич Христофоров инбэлииттэр обществоларын улэтигэр куус-кеме буолар тэрилтэлэргэ, чааьынай дьонно махтал суруктары туттартаата.

Бу кун доруобуйаларынан хааччахтаах дьонно кулууп дьиэтигэр улахан бырааьынньык ааста: ол курдук кинилэргэ анаан куорат общественноьа, устудьуоннара, о5олоро бэйэлэрин концертарын бэлэхтээтилэр, салгыы итии чэйдээх остуол тула олороннор иьирэх кэпсэтии буолла.



Источник: отдел информации, просмотров: 349